ஜனனம்

தாயின் கருவறையில் கண்மூடிக்கிடந்தேன்
அவள் கதறிய சத்தத்தில்
உயிர் கொண்டு எழுந்தேன்
மண்ணில் விழுந்தவுடன் எதனை இழந்தேன்
அதனை எண்ணியோ இராப்பகலாய் அழுதேன்

கவிதை

மனக்கருவரையில் பிறந்த குழந்தை
அது கவிதை
உங்களிடம் தவழ்ந்தொடிவந்தால்
அள்ளி எடுத்து முத்தமிடுங்கள்
கைகளால் தட்டிவிடாதீர்கள்
அதன் மழலைக்கு செவி கொடுக்காதீர்கள்
உங்கள் மனதை கொடுங்கள்

புதுமுகம்

வாய்ப்புகள் கிடைக்காத பாரதிகள்
ஆயிரம் இங்குண்டு
எழுதப்படாத சரித்திரங்கள்
மணல்மேட்டில் கிடக்குதிங்கு
சமுதாயமே நாங்கள் வெற்றுக்காகிதங்கள்
அல்ல புரட்டிப்பார் காவியங்கள்

முன்னனுபவம்

காதலித்து பார்த்தேன்
காதல் பிடிக்கிறது
காதலி பிடிக்கவில்லை
திரையரங்கம் பிடித்ததால்
திரையிட்ட படமும் பிடிக்குமா என்ன ?